پریس ریلیز

فلسطینی عوام کے ساتھ اظہار یکجہتی کے عالمی دن کے موقع سے بین الاقوامی برادری اسرائیلی قبضے کے بارے میں اپنی بزدلانہ پالیسی کو ختم کرے

فلسطینی عوام کے ساتھ اظہار یکجہتی کے عالمی دن پر، لیگ آف پارلیمنٹرینز فار القدس اینڈ فلسطین اس بات کا اعادہ کرتی ہے کہ فلسطین کے لوگ نسل کشی کا سامنا کر رہے ہیں، جو جدید دور کی سب سے ہولناک جنگوں میں سے ایک ہے، اور وہ اب بھی اس کے اثرات سے دوچار ہیں۔ باوجود اس کے بین الاقوامی برادری بین الاقوامی قوانین اور قراردادوں کے ذریعہ ان کے جائز حقوق کو نظر انداز کر رہی ہے۔

اس موقع پر لیگ یاد دلاتی ہے کہ قابض طاقت "اسرائیل" فلسطینی عوام کے خلاف سنگین جنگی جرائم کا ارتکاب جاری رکھے ہوئے ہے، خاص طور پر غزہ پٹی میں جاری نسل کشی، جو ہر روز مزید وحشیانہ ہوتی جا رہی ہے۔

لیگ بین الاقوامی برادری سے مطالبہ کرتی ہے کہ وہ نہتے شہریوں کے خلاف ہونے والی نسل کشی کو روکنے کے لئے فوری کارروائی کرے اور جنگی جرائم کے ارتکاب پر نیتن یاہو اور گیلنٹ کی گرفتاری سے متعلق انٹرنیشنل کریمنل کورٹ کے فیصلوں پر عمل درآمد کے لئے تمام ضروری اقدامات کرے اور غزہ پر جنگ کے حوالے سے عالمی عدالت انصاف کی مشاورتی رائے کا اطلاق کرے۔

لیگ اس بات پر زور دیتی ہے کہ اقوام متحدہ کے اداروں کے خلاف اسرائیلی قبضے کی جارحیت، اس کے منشور کی توہین، اور سیکرٹری جنرل کے کام میں رکاوٹ کے ساتھ ساتھ بین الاقوامی اداروں اور بین الاقوامی انصاف کے نظام کی مسلسل توہین کے مد نظر بین الاقوامی برادری اسرائیلی قبضے کے بارے میں اپنی بزدلانہ پالیسی کو ختم کرے اور اس کے حملوں کو روکنے کے لئے ان زیادتیوں اور اقدامات سے مطابقت رکھنے والے اقدامات کرے۔

لیگ آف پارلیمنٹرینز فار القدس اینڈ فلسطین

جمعہ، 29 نومبر 2024