لیگ آف پارلیمنٹرینز فار القدس (LP4Q) کو جمہوریہ الجزائر میں منعقد ہونے والی اسلامی تعاون تنظیم (او آئی سی) کے رکن ممالک کی پارلیمانی یونین (PUIC) کے سترھویں اجلاس کی کانفرنس میں شرکت کا دعوت نامہ موصول ہوا ہے۔

لیگ کے جنرل ڈائریکٹر ڈاکٹر محمد مکرم بلعاوی نے بتایا کہ لیگ کو یونین میں مبصر کی رکنیت کی بنیاد پر یہ دعوت نامہ موصول ہوا ہے اور لیگ اس دعوت کا مؤثر جواب دے گی۔ 

انہوں نے مزید کہا کہ لیگ کو ملا یہ دعوت نامہ اس بات کی طرف اشارہ کرتا ہے کہ "پارلیمنٹرینز فار القدس" یروشلم کے مسئلے اور فلسطینی کاز کے بارے میں بیداری پیدا کرنے اور فلسطینی عوام کے حقوق کی حمایت کے لئے دیگر پارلیمانوں اور بین الاقوامی اداروں کے ساتھ ہم آہنگی کے لئے سرگرمیوں میں ہر طرح سے بہتر سرمایہ کاری کر رہا ہے۔

بلعاوی نے کہا کہ لیگ کے پاس او آئی سی کے رکن ممالک کی پارلیمانی یونین (PUIC) کے ساتھ افریقی پارلیمانی یونین (APU)، عالمی تنظیم برائے پارلیمنٹرینز اگینسٹ کرپشن (GOPAC)، عرب انٹر پارلیمنٹری یونین اور ایشین پارلیمنٹری اسمبلی میں مبصر کی رکنیت ہے۔ 

یہ کانفرنس 29-30 جنوری کو دارالحکومت الجزائر میں منعقد ہونے والی ہے۔

یونین نے دسمبر 2021 میں استنبول میں منعقد ہونے والے اپنے اجلاس کے دوران لیگ کو مبصر کی رکنیت دینے کا اعلان کیا تھا۔