ہسپانوی وزیر اعظم پیڈرو سانچیز نے آزاد فلسطینی ریاست کے قیام کی حمایت کا اظہار کیا ہے۔ مشرق وسطیٰ کے دورے کے دوران انہوں نے کہا کہ اسپین جولائی تک فلسطینی ریاست کو سرکاری طور پر تسلیم کرنے کا ارادہ رکھتا ہے۔ سانچیز نے یہ باتیں اردن جاتے ہوئے اپنے طیارے میں صحافیوں سے با ت چیت کے دوران کہیں۔

انہوں نے کہا کہ ’میرے خیال میں  عنقریب فلسطین کی مستقل رکنیت کے لیے اقوام متحدہ میں بحث کا آغاز ہونا چاہیئے۔‘

سانچیز نے کہا کہ  آئرلینڈ ،مالٹا اور سلووینیا کے وزرائے اعظموں کے ساتھ موسم گرما سے قبل ایک  سازگار ماحول میں  فلسطینی ریاست کو تسلیم کرنے کے لیے مشترکہ فیصلے کا اعلان کیا جا سکتا ہے، فلسطین کو تسلیم کرنے کے لیے ہماری حکومت  وزرا کابینہ میں فیصلہ کرے گی جسے بعد میں  منظوری کےلیے پارلیمان میں یپش کر دیا جائے گا۔

انہوں نے مزید کہا کہ  ’انہیں یقین ہے کہ یورپی یونین کے کئی رکن ممالک ایک ہی موقف اختیار کرنے پر مجبور ہوں گے۔‘